نجی ایئرلائن میں دوران پرواز نوجوان جوڑے کی نازیبا حرکات

سول ایوی ایشن اتھارٹی نےواقعے کی تحقیقات کرنے کا فیصلہ کرلیا ہے.(فوٹو: فائل)

---

نجی ایئر لائن کی پرواز میں نوجوان جوڑے کی نازیبا حرکات، فضائی عملے اور ایئر لائن نے کوئی کارروائی نہیں کی۔

ایکسپریس نیوز کے مطابق کراچی سے اسلام آباد جانے والی نجی ایئر لائن کی پرواز میں نوجوان جوڑا بوس و کنار اور نازیبا حرکات میں مصروف رہا، جہاز میں موجود فیملیز کی جانب سے شکایت کے باوجود ایئرلائن انتظامیہ اور فضائی عملے نے مذکورہ جوڑے کے خلاف کوئی کارروائی نہیں کی۔

ایئر لائن کےعدم تعاون پر جہاز میں سوار دوسرے مسافروں نے سول ایوی ایشن اتھارٹی کو نجی ایئرلائن کے خلاف کارروائی کی درخواست دے دی۔ مسافروں کی درخواست پر سول ایوی ایشن اتھارٹی نےواقعے کی تحقیقات کرنے کا فیصلہ کرلیا ہے۔