شاہین شاہ آفریدی کی شاہد آفریدی کی جلد صحت یابی کے لیے دعا

 ملتان سلطانز کے اسٹار آل راؤنڈر شاہد آفریدی کمر کی انجری کے باعث پاکستان سپر لیگ 6 سے باہر ہوگئے ہیں۔(فوٹو:فائل)

---

لاہور: پاکستان کے ممتاز نوجوان فاسٹ بولر شاہین شاہ آفریدی نےسابق ٹیسٹ کپتان اور معروف آل راؤنڈر شاہدخان آفریدی کی جلد صحت یابی کے لیے دعا کی ہے۔

شاہین شاہ آفریدی نے سماجی رابطے کی ویب سائٹ پر کمر کی تکلیف کے سبب دست بردار ہونے والے شاہد آفریدی کو مخاطب کرتے ہوئے کہا کہ' لالا جلد صحت یاب ہوجائیں، آپ پاکستان کا فخر ہیں اور ہم پی ایس ایل6 میں آپ کی کمی محسوس کریں گے'

Get well soon Lala @SAfridiOfficial. You are the pride of Pakistan. We will miss you at PSL. 🙏

— Shaheen Shah Afridi (@iShaheenAfridi) May 24, 2021

دوسری جانب پاکستان کے سابق کپتان اور اپنے دور کے عظیم آل راؤنڈر وسیم اکرم نے بھی شاہد آفریدی کی غیر موجودگی پر افسوس کا اظہار کرتے ہوئے کہا ہے کہ اب بڑا سوال یہ ہے کہ نوجوان کرکٹرز کی صلاحیتوں کو کون اجاگر کرے گا۔

یہ بھی پڑھئیے: شاہد آفریدی پی ایس ایل 6 کے بقیہ میچز سے باہر

واضح رہے کہ ملتان سلطانز کے اسٹار آل راؤنڈر شاہد آفریدی کمر کی انجری کے باعث پاکستان سپر لیگ 6 سے باہر ہوگئے ہیں۔ وہ ابوظہبی میں کھیلے جانے والے لیگ کے بقیہ میچز میں ملتان سلطانز کی نمائندگی نہیں کرپائیں گے۔