سندھ میں امن و امان کی ابتر صورتحال پر وزیراعظم کی شیخ رشید کو دورے کی ہدایت

وزیراعظم نے وزیر داخلہ کو سندھ کے سیکیورٹی اداروں سے مل کر رپورٹ تیار کرکے پیش کرنے کی ہدایت کی ہے، فواد چوہدری (فوٹو : فائل)

---

سندھ میں امن و امان کی مخدوش صورتحال پر وزیراعظم عمران خان نے وزیر داخلہ شیخ رشید کو سندھ کا دورہ کرکے رپورٹ پیش کرنے کی ہدایت کردی۔

اس حوالے سے وزیر اطلاعات و نشریات فواد چوہدری نے اپنے ٹویٹ میں بتایا ہے کہ وزیراعظم عمران خان سے گورنر سندھ عمران اسماعیل اور وفاقی وزیر اسد عمر نے ملاقات کرکے انہیں سندھ میں امن و امان کی مخدوش صورتحال، بڑھتے ہوئے جرائم اور بدانتظامی سے آگاہ کیا۔

ان معلومات پر نوٹس لیتے ہوئے وزیر اعظم نے وزیر داخلہ شیخ رشید آحمد کو ھدائیت کی ہے کہ وہ سندہ کا دورہ کریں اور قانون نافذ کرنیوالے اداروں سے مل کراس صورتحال پر حکمت عملی طے کریں، وزیر داخلہ اس دورے کے بعد اپنی رپورٹ وزیر اعظم کے سامنے رکھیں گے

— Ch Fawad Hussain (@fawadchaudhry) May 25, 2021

چوہدری فواد حسین نے بتایا کہ ملاقات کے بعد وزیراعظم عمران خان نے وزیر داخلہ شیخ رشید کو ہدایت دی ہے کہ وہ سندھ کا دورہ کریں اور سیکیورٹی اداروں سے مل کر امن و امان کی مخدوش صورتحال سے متعلق رپورٹ تیار کریں اور اس کے سدباب کے لیے حکمت عملی تیار کرکے پیش کریں۔