
وزیر برائے منصوبہ اسد عمر اور نیشنل کوآرڈینیٹر لیفٹیننٹ جنرل حمود الز زمان کی زیر صدارت این سی او سی کا اجلاس ہوا۔ فورم نے ملک کی مجموعی صورتحال پر اطمینان کا اظہار کیا تاہم سندھ میں کورونا کے پھیلاؤ کے بارے میں خبردار کیا گیا۔
یہ پڑھیں : پنجاب کے 34 اضلاع میں کالجز کھولنے کا اعلان
متحدہ عرب امارات سے آنے والے مسافروں کو صرف مجاز لیبارٹریوں سے ہی پی سی آر کے منفی ٹیسٹ کے نتائج لانے کی ضرورت ہوگی، اس ہدایت کی خلاف ورزی کی صورت میں ایئر لائنز کو جرمانہ کیا جائے گا۔
این سی او سی نے کہا کہ یہ فیصلہ اس بات کو یقینی بنانے کے لئے کیا جارہا ہے کہ جعلی ٹیسٹ کے نتیجے میں کوئی بھی مسافر ملک میں داخل نہ ہوسکے۔
یہ بھی پڑھیں : کورونا وبا؛ مزید 73 افراد جاں بحق، 2455 مثبت کیسز رپورٹ
دسویں اور بارہویں جماعت کے امتحانات 23 جون سے 29 جولائی 2021 ء تک ہوں گے۔ امتحانات کی تیاریوں کے لئے صوبے 31 مئی سے کورونا ایس او پیز کے تحت دسویں اور بارہویں کلاس کھولنے کا انتخاب کرسکتے ہیں۔
30 مئی سے 5 فیصد اور اس سے کم مثبت کیسز والے اضلاع میں تفریحی پارکس ، واٹر پارکس اور سوئمنگ پول کو دوبارہ کھولنے کی اجازت ہوگی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔