بھارت میں کورونا مریض کی لاش کو دریا میں پھینکنے کی ویڈیو وائرل عملہ گرفتار

ویڈیو ایک شہری نے ریکارڈ کرکے سوشل میڈیا پر وائرل کردی، فوٹو: ویڈیو گریب

---

بھارت میں کورونا سے ہلاک ہونے والے مریض کی لاش کو پل سے دریا میں پھینکنے کی ویڈیو وائرل ہونے پر پولیس نے دو افراد کو حراست میں لے لیا ہے۔

سماجی رابطے کی ویب سائٹ پر ایک ویڈیو وائرل ہوئی ہے جس میں دو افراد کو کورونا سے ہلاک ہونے والے مریض کی پلاسٹک میں لپٹی لاش کو دریا میں پھینکتے ہوئے دیکھا جا سکتا ہے۔

لاش دریا میں پھینکنے والوں میں سے ایک نے پی پی ای لباس بھی پہن رکھا ہوتا ہے جو عمومی طور پر اسپتال کا عملہ پہنتا ہے۔ ویڈیو وائرل ہونے پر پولیس حرکت میں آگئی اور تحقیقات کا آغاز کردیا۔

یہ خبر پڑھیں : کورونا وبا؛ دریائے گنگا میں 40 سے زائد لاشوں نے خوف و ہراس پھیلا دیا

ابتدائی تحقیقات سے پتہ چلا کہ یہ لاش ریاست اترپردیش کے علاقے شہرت گڑھ کے رہائشی پریم ناتھ مشرا کی ہے جو کورونا کے باعث 25 مئی کو ضلعی اسپتال میں داخل ہوا تھا اور 28 مئی کو موت واقع ہوگئی تھی۔

| Shocking Viral video from Balrampur, UP |
2 people throwing Dead Body with PPE kit in Rapti river. pic.twitter.com/FFeqXZhfwy

— Sandeep Panwar (@tweet_sandeep) May 30, 2021

واضح رہے کہ بھارت میں رواں ماہ کے آغاز میں کورونا کے مریضوں کی 50 سے زائد لاشیں دریائے گنگا میں تیرتی ہوئی آئی ہیں جس سے علاقے میں خوف و ہراس پھیل گیا تھا۔