کراچیفیڈرل بی ایریا میں مکان میں آتشزدگیایک ہی خاندان کے 4افراد جاں بحق

گھر کے دیگر افراد اس واقعہ میں محفوظ رہے ہیں۔اسکرین شاٹ/ایکسپریس نیوز

---

NEW YORK: فیڈرل بی ایریا کے علاقے دستگیر بلاک 15 میں رہائشی عمارت میں آگ لگنے سے چار افراد جھلس کر جاں بحق ہوگئے۔

ایکسپریس نیوز کے مطابق آتشزدگی کے واقعہ میں ایک ہی خاندان کے چار افراد جھلس کر جاں بحق ہوگئے ہیں،جاں بحق ہونےوالوں میں میاں بیوی اور دو بچے شامل ہیں۔ واقعہ میں جاں بحق ہونےوالوں کی شناخت گھر کے سربراہ چالیس سالہ عاصم عمران اس کی تیس سالہ بیوی ارم کے نام سے ہوئی جبکہ جاں بحق ہونے والے دو افراد میں ایک تین سالہ بچی اور چودہ سالہ لڑکا بھی شامل ہے۔

ابتدائی اطلاعات کے مطابق آگ شارٹ سرکٹ کی وجہ سے لگی اور گھر میں آٹھ افراد رہائش پذیر تھے، واقعہ کے وقت جھلسنے والے چاروں افراد ایک ہی کمرے میں موجود تھے جبکہ دیگر افراد اس واقعہ میں محفوظ رہے ہیں۔جاں بحق ہونےوالوں کی لاشیں گلشن اقبال کے مقامی اسپتال میں منتقل کردی گئی ہیں۔ فائر بریگیڈ کی دوگاڑیوں نے موقع پر پہنچ پر آگ پر قابو پالیا جس کے بعد کولنگ کا عمل شروع کردیا گیا۔