لاہور سمیت پنجاب بھر میں تیز ہواؤں کے ساتھ بارش کا امکان

گرمی سے مارے افراد کے لیے خوشخبری

---

گرمی سے مارے افراد کے لیے خوشخبری ہے کہ مغرب کی جانب سے کم ہواؤں کے بادلوں کا سلسلہ پاکستان میں داخل ہوگیا ہے۔

لاہور سمیت پنجاب بھر میں تیز ہواؤں کے ساتھ بارش کا امکان ہے۔ محکمہ موسمیات کے مطابق گرمی کا زور ٹوٹے گا اور درجہ حرارت 10 ڈگری سینٹی گریڈ کم ہوگا۔ بارشوں اور تیز ہواؤں کا سلسلہ تین روز تک جاری رہنےکا امکان ہے۔

یہ بھی پڑھیں: کراچی میں کل اور جمعہ کو بوندا باندی کا امکان، محکمہ موسمیات

ادھر محکمہ موسمیات نے کراچی میں بوندا باندی کی پیش گوئی کردی۔ محکمہ موسمیات ارلی وارننگ سینٹر فار ہیٹ ویو کی جانب سے پیش گوئی کی گئی ہے کہ جمعہ کو شہر میں صبح کے وقت بوندا باندی ہونے کا امکان ہے۔ اگلے 3 روز کے دوران موسم گرم اور مرطوب رہ سکتا ہے۔