آئندہ فیس بک کے بانی کو وائٹ ہاؤس کھانے پر نہیں بلاؤں گا ٹرمپ

سابق امریکی صدر کے فیس بک اور انسٹاگرام اکاؤنٹس دو سال کیلیے معطل کردیئے گئے ہیں

ویب ڈیسک June 05, 2021

آئندہ ملاقات کھانے کے لیے بلکہ بزنس پر بات پوگی، ٹرمپ (فوٹو: فائل)

FAISALABAD: سابق امریکی صدر ڈونلڈ ٹرمپ نے اپنے فیس بک اور انسٹاگرام اکاؤنٹس کی 2 سالہ معطلی پر سوشل میڈیا ویب سائٹ کے بانی مارک زکر برگ پر برہمی کا اظہار کیا ہے۔

عالمی خبر رساں ادارے کے مطابق سابق امریکی صدر ڈونلڈ ٹرمپ نے کہا ہے کہ آئندہ صدارتی الیکشن جیت گیا تو فیس بک کے بانی مارک زکر برگ کو کبھی وائٹ ہاؤس کھانے پر مدعو نہیں کروں گا۔

ڈونلڈ ٹرمپ نے یہ بیان فیس بک انتطامیہ کی جانب سے ان کے فیس بک اور انسٹاگرام اکاؤنٹس بند ہونے کے ردعمل کے طور پر دیا۔ فیس بک انتظامیہ نے یہ پابندی ان اکاؤنٹس سے اشتعال انگیز پوسٹوں اور پارلیمنٹ پر حملے کے تناظر پر عائد کی ہے۔

یہ خبر پڑھیں : ٹرمپ کا فیس بک اور انسٹا گرام اکاؤنٹ دو سال کے لیے معطل

خیال رہے کہ سابق امریکی صدر نے 2019 میں اپنے دور حکومت میں فیس بک کے بانی مارک زکر برگ کو کھانے پر وائٹ ہاؤس مدعو کیا تھا تاہم اکاؤنٹس بند ہونے کیے جانے کے بعد ٹرمپ نے کہا کہ اب کھانے نہیں بلکہ بزنس پر بات ہوگی۔