امن مذاکرات کیلیے سنجیدہ ہیں سیاسی دکان نہ چمکائی جائے ماروی

بعض پارٹیاں لون اسکیم کیخلاف پروپیگنڈا کررہی ہیں،رہنما ن لیگ، اعتزاز کی والدہ سے تعزیت

Express Report/Numainda Express January 19, 2014

وزیراعظم نواز شریف اور وزیر داخلہ چوہدری نثار طالبان سے مذاکرات کے لیے راہ ہموار کر رہے ہیں۔ فوٹو: فائل

ن لیگ کی ایم این اے اور چیف کوآرڈنیٹر وزیراعظم لون بزنس اسکیم ماروی میمن ہفتے کو مختصر دورے پرقبائلی علاقے جمرود آئیں جہاں نیشنل بینک میں وزیراعظم لون بزنس اسکیم کے طریق کار کا معائنہ کیا اور بینک حکام کو نوجوانوں کو آسان شرائط پر قرضہ دینے کاحکم دیا۔

اس موقع پر انھوں نے کہا کہ بعض سیاسی پارٹیاں لون اسکیم کیخلاف غلط پروپیگنڈا کررہی ہیں جو انتہائی شرم کی بات ہے، دریں اثنا ماروی میمن وزیر اعظم نواز شریف کی طرف سے اعتزاز حسن کے اہل خانہ سے تعزیت کی اور وزیر اعظم کی طرف سے خصوصی تعزیتی پیغام پہنچایا۔

photo 4_zpsf6f59a3d.jpg

بعدازاں صحافیوں سے بات چیت میں ماروی میمن نے کہا کہ حکمران امن مذاکرات کیلیے سنجیدہ ہیں،سیاسی دکان نہ چمکائی جائے ،وزیراعظم نواز شریف اور وزیر داخلہ چوہدری نثار طالبان سے مذاکرات کے لیے راہ ہموار کر رہے ہیں۔