پولیس پر حملوں میں ملوث متحدہ کا ٹارگٹ کلر گرفتار

ملزم رئیس ماما کی ٹیم میں شامل اور اس کا قریبی ساتھی ہے، سی ٹی ڈی۔ (فائل فوٹو)

---

سی ٹی ڈی نے ایم کیو ایم لندن کے ٹارگٹ کلر کو گرفتار کرلیا ہے۔

سی ٹی ڈی حکام کے مطابق لانڈھی سیکٹر 77 کا سابق یونٹ انچارج صغیر صدیقی لانڈھی میں پولیس موبائلوں پر حملوں میں ملوث ہے جس میں پولیس اہلکار شہید ہوگئے تھے۔

سی ٹی ڈی کے مطابق ملزم رئیس ماما کی ٹیم میں شامل اور اس کا قریبی ساتھی ہے، ملزم نے اپنے دیگر ساتھیوں کے ہمراہ لانڈھی چھ نمبر پر پولیس موبائل پر فائرنگ کی تھی جس کے نتیجے میں پولیس اہلکار شہید اور زخمی ہوگئے تھے۔

سی ٹی ڈی حکام نے مزید بتایا کہ ملزم 2009ء سے 2016ء تک یونٹ انچارج رہا، ملزم قتل کی کئی وارداتوں میں ملوث اور مطلوب تھا، ملزم سے مزید تحقیقات کی جارہی ہے۔