دہشتگرد حملوں کی اطلاع پر اڈیالہ جیل کی سیکیورٹی مزید سخت

خفیہ اداروں کی رپورٹ پرسیکیورٹی اداروں نے حملے سے نمٹنے کی علامتی مشق بھی کی.

---

تحریک طالبان اور دیگر شر پسند گروپوں کی جانب سے کوٹ لکھپت اور سنٹرل جیل اڈیالہ راولپنڈی میں اسیر ساتھیوں کو رہا کرانے کیلیے بڑے پیمانے پر دہشتگردی کی کارروائیوں کے خدشے کے پیش نظر سیکیورٹی کو فول پروف بنانے کیلیے کہا گیاہے۔

ذرائع کے مطابق خفیہ اداروں کی جانب سے سورس رپورٹ کے زریعے پولیس اور سیکیورٹی سے متعلقہ اداروں کو آگاہ کیا گیا ہے کہ تحریک طالبان نے کوٹ لکھپت جیل اور اڈیالہ جیل راولپنڈی میں اسیر اپنے ساتھیوں کو چھڑانے کیلیے منصوبہ مکمل کرلی ہے اور منصوبہ پر عمل کرنے کیلیے کسی وقت بھی کاروائی کا آغاز کرسکتے ہیں۔



سورس رپورٹ میں بتایاکہ دہشت گرد بنوں اور ڈیرہ اسماعیل خان جیل پر کیے جانے والے کے دوران اپنایا جانے والے طریقہ استعمال کرسکتے ہیں لہٰذا کسی بھی اسیے سانحہ سے بچنے کیلیے جیلوں کی سیکیورٹی کو از سر نو جائزے کے بعد فول پروف بنایا جائے۔ ادھر اس حوالے سے ایکسپریس کے رابطہ کرنے پر راولپنڈی پولیس کے سینئر آفیسر نے تھریٹس کی تصدیق کرتے ہوئے بتایاکہ تھریٹس کچھ عرصے سے تواتر سے مل رہی ہیں اسی تناظر میں اڈیالہ جیل میں سیکورٹی کا خاص طور پر جائزہ لیا گیا اوراس حوالے سے سیکیورٹی ادروں نے حملے سے نمٹنے کی علامتی طور پر مشق کی۔