ہندو انتہا پسندی کا شکار مسلمان سے متعلق ٹوئٹ کرنے پر سوارا بھاسکر کے خلاف مقدمہ

مجھے نہ صرف مارا پیٹا گیا بلکہ ’’جے شری رام‘‘ کا نعرہ لگانے کے لیے کہا گیا، بزرگ شخص عبدالصمد سیفی فوٹوفائل

---

بالی ووڈ داکارہ سوارا بھاسکر حال ہی میں وائرل ہونے والی ویڈیو جس میں ایک مسلمان بزرگ پر تشدد کیا جارہا ہے کے بارے میں ٹوئٹ کرنے پر مشکل میں آگئیں۔

بالی ووڈ اداکارہ سوارا بھاسکر، صحافی عرفا خانم شیروانی، آصف خان اور ٹوئٹر انڈیا کے سربراہ منیش مہیشوری کے خلاف دہلی کے تلک مارگ پولیس اسٹیشن میں مقدمہ درج کیا گیا ہے۔ یہ مقدمہ ایڈوکیٹ امیت اچاریا کی جانب سے ان تمام افراد کے خلاف ایک ویڈیو کو شیئرکرنے کے لئے درج کیاگیا ہے۔ گردش کرنے والی ویڈیو میں ایک بزرگ مسلمان شخص کا کہنا ہے کہ اسے نہ صرف مارا پیٹا گیا بلکہ اسے ''جے شری رام'' کا نعرہ لگانے کے لیے کہا گیا اور تشدد کے دوران اس کی داڑھی مونڈ دی گئی۔

یہ بھی پڑھیں: بھارت میں انتہاپسند ہندوؤں کا بزرگ مسلم پر بدترین تشدد، داڑھی مونڈھ دی

اداکارہ سوارا بھاسکر اور دیگر افراد کے خلاف درج ایف آئی آر میں کہا گیا ہے کہ ان تمام لوگوں نے معاملے کی سچائی کی تصدیق کیے بغیر، عوامی امن میں خلل ڈالنے اور مذہبی گروہوں کے مابین تفریق پیدا کرنے کے ارادے سے اس ویڈیو کو فرقہ وارانہ زاویے کے ساتھ آن لائن شیئر کیا۔ ایف آئی آر بھارتی ریاست اترپردیش کے شہر غازی آباد کے لونی بارڈر پولیس اسٹیشن میں منگل کی رات درج کروائی گئی۔

واضح رہے کہ بھارتی سوشل میڈیا پر چند روز قبل ایک ویڈیو گردش کررہی تھی جس میں ایک 72 سالہ مسلمان بزرگ شخص عبدالصمد سیفی کو بدترین تشدد کا نشانہ بنایاگیا تھا۔ حملہ آور انتہا پسند بزرگ شخص کو آٹو رکشے میں اغوا کر کے قریبی جنگل میں لے گئے اور' جے شری رام ' اور 'وندے ماترم' کے نعرے لگاتے ہوئے نہ صرف مذکورہ بزرگ کو بھی زبردستی نعرے لگانے پر مجبور کیا، بلکہ ان پرلاٹھیوں اور گھونسوں سے تشدد بھی کرتے رہے۔ ملزمان نے مسلمان بزرگ پر پاکستانی ایجنٹ ہونے کا الزام لگاتے ہوئے ان کی داڑھی بھی کاٹ دی تھی۔

اداکارہ سوارا بھاسکر نے اس واقعے کی ویڈیو شیئر کروائی تھی اور اس معاملے پر ٹوئٹ کرتے ہوئے اس واقعے کی مذمت کی تھی۔ بعد ازاں بھارتی میڈیا میں کہا گیا تھا کہ مسلمان بزرگ شخص کو ہندوؤں نے نہیں بلکہ مسلمانوں کے ہی ایک گروپ نے مارا تھا۔

Agree. I can believe a bunch of Muslims beat up an old Muslim man, but forced him to chant #JaiShriRam & cut off his beard?! That really the whole story? Anyway.. Love how Sanghis r conveniently ignoring the prime accused that Pravesh who beat the old man & forced him to chant! https://t.co/wv4XQFSRuj

— Swara Bhasker (@ReallySwara) June 15, 2021

یہ خبر سامنے آنے کے بعد سوارا بھاسکر نے کہا تھا میں یقین کرسکتی ہوں کہ چند مسلمان افراد نے ہی اس بزرگ شخص کو مارا تھا لیکن ان سے زبردستی جے شری رام کا نعرہ لگانے کے لیے بھی کہا اور ان کی داڑھی مونڈھ دی۔ کیا واقعی یہ اس معاملے کی پوری کہانی ہے؟

RW & Sanghis vomiting on my timeline ‘coz Ghaziabad police named 3 Muslims. Jackasses the prime accused is literally a Pravesh Gujjar. The man is on camera forcing the old man to chant #JaiShriRam
Yes it is a desecration of my God and my religion and I’m ashamed.. as shud you be

— Swara Bhasker (@ReallySwara) June 15, 2021

دوسری جانب بھارتی پولیس نے اس معاملے کو بالکل الگ رنگ دے دیا ہے۔ پولیس نے اس معاملے میں فرقہ وارانہ زاویے سے انکار کرتے ہوئے اسے تعویذ کا معاملہ قرار دیا ہے اور کہا ہے کہ بزرگ شخص پر تشدد کرنے والے لوگ اس بزرگ کی جانب سے دئیے جانے والے تعویذ سے ناخوش تھے۔ غازی آباد (دیہی) پولیس سپرنٹنڈنٹ ایراس راجہ نے بدھ کے روز بتایا کہ بزرگ شخص سیفی پر حملہ کرنے کے الزام میں تین افراد کلو گجر، پرویش گجر اور عادل کو گرفتار کرلیاگیا ہے۔