اسلام آباد یونائیٹڈ نے دلچسپ مقابلے کے بعد پشاور زلمی کو شکست دیدی

اسلام آباد یونائیٹڈ کے عاقف جاوید نے 3 اور حسین طلعت نے 2 وکٹیں حاصل کیں

---

اسلام آباد یونائیٹڈ نے پشاور زلمی کو دلچسپ مقابلے کے بعد 15 رنز سے شکست دے دی۔

ابوظہبی میں جاری پاکستان سپر لیگ کے چھٹے ایڈیشن کے میچ میں اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں عثمان خواجہ کی سنچری کی بدولت پی ایس ایل کی تاریخ کا سب سے بڑا ٹوٹل 247 رنز بنادیا جس کے جواب میں پشاور زلمی نے 6 وکٹ کے نقصان پر 232 رنز بنائے۔

What a brilliant fight back from Zalmi! Six for Umaid now.#HBLPSL6 | #MatchDikhao | #IUvPZ pic.twitter.com/T7XX19IwlP

— PakistanSuperLeague (@thePSLt20) June 17, 2021

پشاور زلمی کی جانب سے حضرت اللہ زازئی پہلی ہی گیند پر کھاتہ کھولے بغیر پویلین واپس لوٹ گئے جس کے بعد امام الحق بھی صرف 7 رنز بناسکے تاہم کامران اکمل نے جارحانہ بیٹنگ کرتے ہوئے نصف سنچری بنائی وہ 32 گیندوں پر 53 رنز بناکر آؤٹ ہوئے۔

شعیب ملک نے نصف سنچری اسکور کی وہ 36 گیندوں پر 68 رنز کی جارحانہ اننگز کھیل کر آؤٹ ہوئے جس میں 3 چھکے اور 6 چوکے شامل تھے۔ رومن پاول 14 اور شیرفن رتھرفورڈ 8 گیندوں پر 29 رنز کی جارحانہ اننگز کھیلنے کے بعد پویلین واپس لوٹے۔

Zalmi doing the unthinkable!!! GAME ON 💪🏼

6️⃣ 6️⃣ 6️⃣ 6️⃣#HBLPSL6 | #MatchDikhao | #IUvPZ pic.twitter.com/O1Y2TZktEe

— PakistanSuperLeague (@thePSLt20) June 17, 2021

عمید آصف 20 اور وہاب ریاض 28 رنز پر ناٹ آؤٹ رہے۔ اسلام آباد کی جانب سے عاقف جاوید نے 3، حسین طلعت نے 2 اور ایک وکٹ حسن علی نے حاصل کی۔

اس سے قبل پشاور زلمی کے کپتان وہاب ریاض نے ٹاس جیت کر پہلے فیلڈنگ کرنے کا فیصلہ کیا۔ اسلام آباد یونائیٹڈ کی جانب سے عثمان خواجہ اور کولن منرو نے ٹیم کو 98 رنز کا جارحانہ آغاز فراہم کیا، منرو 47 رنز کی اننگز کھیل کر آؤٹ ہوئے۔

Asif Ali is stone cold 🥶#HBLPSL6 | #MatchDikhao | #IUvPZ pic.twitter.com/9NMpxacDlS

— PakistanSuperLeague (@thePSLt20) June 17, 2021

آصف علی نے بھی جارحانہ انداز اپناتے ہوئے 14 گیندوں پر 43 رنز کی اننگز کھیلی جس میں 5 چھکے اور 2 چوکے شامل تھے جب کہ عثمان خواجہ نے پی ایس ایل میں اپنی پہلی سنچری اسکور کی وہ 56 گیندوں پر 105 رنز بناکر ناٹ آؤٹ رہے جب کہ برینڈن کنگ نے 22 گیندوں پر 46 رنز بنائے۔

پشاور زلمی کی جانب سے ثمین گل اور شعیب ملک نے ایک ایک وکٹ حاصل کی۔

One of the most astounding matches in HBL PSL history! 😲
The top two teams showing off their strength! #HBLPSL6 | #MatchDikhao | #IUvPZ pic.twitter.com/tp2TEsYBtu

— PakistanSuperLeague (@thePSLt20) June 17, 2021