کراچی میں ڈمپر کی ٹکر سے 3 بہن بھائی شدید زخمی

واقعہ کے بعد شہریوں نے ڈمپر کو آگ لگادی

---

دومنٹ چورنگی کے قریب کچرے سے لدے ڈمپر کی ٹکر سے موٹرسائیکل پر سوار کم عمر 3 بہن بھائی زخمی ہو گئے۔

نیوکراچی دومنٹ چورنگی کے قریب کچرے سے لدے ڈمپر نے موٹرسائیکل کو ٹکر ماردی جس کے نتیجے میں موٹرسائیکل پر سوار3 کم عمربہن بھائی زخمی ہوگئے جنہیں فوری طور پرعباسی اور سول اسپتال منتقل کردیا گیا جہاں ڈاکٹرز کے مطابق ایک لڑکی کی حالت تشویشناک ہے۔

دوسری جانب حادثے کے بعد مشتعل شہریوں نے ڈمپر کو آگ لگادی جس کے باعث ڈمپر کا اگلا حصہ مکمل طور پر جل گیا جب کہ پولیس نے ڈمپر کے ڈرائیور کو حراست میں لیکر تھانے منتقل کردیا ہے۔