اکشے کمار اپنے بارے میں جعلی خبریں پھیلانے والوں سے پریشان

کیوں نہ میں جھوٹی خبروں کی تردید کا کاروبار شروع کردوں، اکشے کمار

---

بالی ووڈ کے کھلاڑی اکشے کمار اپنے بارے میں جعلی خبریں پھیلانے والوں سے سخت پریشان ہوگئے۔

چند روز قبل اکشے کمار سے متعلق یہ افواہ گردش کررہی تھی کہ اداکار کی میگا بجٹ فلم 'بیل بوٹم' کے فلمسازوں نے کورونا وبا کے تناظر میں اکشے سے فلم کا معاوضہ کم کرنے کی درخواست کی جس پر انہوں نے اپنے معاوضے میں 30 کروڑ تک کی کمی کردی تاہم اکشے کمار نے ٹوئٹ کے ذریعے ان خبروں کو جھوٹا قرار دیا تھا۔

10/10 on FAKE news scale! How about I start my own fake news busting business ? 🤔 https://t.co/oiXSBr4nD9

— Akshay Kumar (@akshaykumar) June 21, 2021

اب یہ خبریں سامنے آرہی ہیں کہ فلمساز ساجد ناڈیاڈوالا نے اکشے کمار کے ساتھ سنیل شیٹھی کے بیٹے آہان کو مرکزی کردار میں کاسٹ کیا ہے تاہم بالی ووڈ کھلاڑی نے ایک بار پر اس خبر کی تردید کردی۔

سماجی رابطے کی ویب سائٹ پر ٹوئٹ کرتے ہوئے اکشے کمار نے کہا کہ جھوٹی خبروں کا اسکیل 10 میں سے 10 ہے، کیوں نہ میں جھوٹی خبروں کو مسترد کرنے کا کاروبار شروع کردوں۔