ایک اور مذہبی شخصیت کی بچے سے بدفعلی کی ویڈیو وائرل

چنیوٹ کے علاقے تھانہ محمد والا میں عالم دین کی بچے سے بدفعلی کی ویڈیو سوشل میڈیا پر وائرل ہوگئی۔

مقدمے کے متن کے مطابق یہ واقعہ مدرسہ جامعہ امام العصر اڈا شیخن میں پیش آیا۔ سوشل میڈیا پر وائرل تفصیلات کے مطابق مدعی عنصر عباس نے تھانہ محمد والا میں مدرسے کے پرنسپل علامہ مظہر عباس نجفی کے خلاف مقدمہ درج کرایا۔

یہ بھی پڑھیں: طالب علم کو بدفعلی کا نشانہ بنانے پر شرمندہ ہوں، مفتی عزیز الرحمان


مدعی نے مقدمے میں کہا کہ اس کا 14 سالہ بچہ جامعہ امام العصر میں زیر تعلیم تھا جسے وہاں مظہر عباس نے جنسی زیادتی کا نشانہ بنایا۔ چنیوٹ پولیس کے مطابق یہ واقعہ مارچ 2021 میں پیش آیا جس کا مقدمہ درج کرکے ملزم کو گرفتار کرلیا گیا تھا تاہم اس کی ویڈیوز اب وائرل ہوئیں۔

مقدمے میں جرم دفعہ 377 شامل کی گئی جس کے مطابق جو شخص کسی سے بدفعلی کرے، اسے قید کی سزا دی جائے گی۔



دوسری جانب مفتی قوی کی بھی ایک نازیبا ویڈیو سوشل میڈیا پر وائرل ہوگئی ہے جس میں انہیں برہنہ حالت میں قابل اعتراض باتیں کرتے ہوئے دیکھا جاسکتا ہے۔