پشاور زلمی کو شکست دیکر ملتان پی ایس ایل کا نیا سلطان بن گیا

ملتان سلطان کی ٹیم فتح کے بعد جشن مناتے ہوئے (فوٹو: پی ایس ایل ٹویٹر)

---

ملتان سلطانز نے پشاور زلمی کو 47 رنز سے شکست دے کر پی ایس ایل 6 کی ٹرافی اپنے نام کرلی۔

ابوظہبی کے شیخ زید اسٹیڈیم میں کھیلے گئے پاکستان سپر لیگ کے چھٹے ایڈیشن کے فائنل میں ملتان سلطانز نے صہیب مقصود اور ریلی روسوو کی جارحانہ اننگز کی بدولت مقررہ 20 اوورز میں 4 وکٹ کے نقصان پر 206 رنز بنائے جس کے جواب میں پشاور زلمی کی پوری ٹیم 9 وکٹ کے نقصان پر 159 رنز ہی بناسکی۔

صہیب مقصود کو شاندار اننگز کھیلنے پر مین آف دی میچ دیا گیا۔ شاہنواز دھانی کو ایمرجنگ پلیئر آف دی ٹورنامنٹ کا ایوارڈ دیا گیا۔ پشاور زلمی کو اسپرٹ آف کرکٹ ایوارڈ سے نوازا گیا۔ ٹورنامنٹ کے بہترین وکٹ کیپر کا ایوارڈ محمد رضوان کو دیا گیا۔ ٹورنامنٹ کے بہترین بولر کا ایوارڈ بھی شاہنواز دھانی کو دیا گیا۔ ٹورنامنٹ کا بہترین بلے باز کا ایوارڈ صہیب مقصود کو دیا گیا جب کہ پلیئر آف دی ٹورنامنٹ کا ایوارڈ بھی صہیب مقصود کو دیا گیا۔

ہدف کے تعاقب میں پشاور زلمی کی جانب سے کامران اکمل اور حضرت اللہ زازئی نے ٹیم کو اچھا آغاز فراہم کیا تاہم بدقسمتی سے 42 رنز پر دونوں کھلاڑی پویلین لوٹ گئے۔ کامران اکمل 36 اور زازئی 6 رنز بناکر آؤٹ ہوئے جب کہ جوناتھن ویلز بھی 6 رنز بنانے کے بعد رن آؤٹ ہوگئے۔

Zakham pe namak! Malik survives a wicket off a no ball and hits six off the free hit!#HBLPSL6 | #MatchDikhao | #MSvPZ pic.twitter.com/iEV6R13jJu

— PakistanSuperLeague (@thePSLt20) June 24, 2021

58 رنز پر 3 وکٹیں گرنے کے بعد شعیب ملک اور رومن پاول نے جارحانہ کھیل پیش کرکے پشاور زلمی کو میچ میں واپس لے آئے تاہم پاول 14 گیندوں پر 23 رنز بنانے کے بعد آؤٹ ہوگئے جب کہ ملک بھی 28 گیندوں پر 48 رنز بنانے کے بعد ہمت ہار گئے۔

ANOTHER TWIST!

Powell falls to @BMuzarabani! #HBLPSL6 | #MatchDikhao | #MSvPZ pic.twitter.com/AUI9AIK0qv

— PakistanSuperLeague (@thePSLt20) June 24, 2021

عمران طاہر نے ایک ہی اوور میں شیرفن ردرفورڈ ، وہاب ریاض اور محمد عمران کو پویلین بھیج کر پشاور زلمی کی رہی سہی امیدوں پر پانی پھیر دیا۔ عماد بٹ 7 رنز بناکر عمران خان کا شکار بنے۔

Air Imran is cleared for take off 🛫#HBLPSL6 | #MatchDikhao | #MSvPZ pic.twitter.com/EAqUNvKAZ2

— PakistanSuperLeague (@thePSLt20) June 24, 2021

ملتان سلطانز کی جانب سے عمران طاہر 3، بلیسنگ مزارابانی 2، عمران خان اور سہیل تنویر ایک ایک وکٹ حاصل کرنے میں کامیاب رہے۔

اس سے قبل پشاور زلمی کے کپتان وہاب ریاض نے ٹاس جیت کر پہلے ملتان سلطانز کو بیٹنگ کی دعوت دی۔ محمد رضوان اور شان مسعود نے ٹیم کو پراعتماد آغاز فراہم کیا اور پہلی وکٹ 68 رنز پر گری جب شان مسعود 37 رنز بنانے کے بعد آؤٹ ہوئے۔

And they're off! @iMRizwanPak gets the first 6⃣ of the innings!#HBLPSL6 | #MatchDikhao | #MSvPZ pic.twitter.com/t2xpXhOAfI

— PakistanSuperLeague (@thePSLt20) June 24, 2021

ملتان سلطانز کی دوسری وکٹ کپتان محمد رضوان کی صورت میں گری جو 30 رنز بنانے کے بعد کامران اکمل کو کیچ دے بیٹھے تاہم رضوان کے آؤٹ ہونے کے بعد ریلی روسوو اور شعیب مقصود نے لاٹھی چارچ شروع کردیا۔

These two are looking dangerous!@sohaibcricketer hits another six now! 🔥 #HBLPSL6 | #MatchDikhao | #MSvPZ pic.twitter.com/KtCxWNZ9Gq

— PakistanSuperLeague (@thePSLt20) June 24, 2021

مقصود نے 26 گیندوں پر اپنی نصف سنچری مکمل کی جب کہ روسوو نے صرف 20 گیندوں پر نصف سنچری بنائی تاہم وہ اپنی اننگز کو آگے نہ بڑھاسکے، ان کی اننگز میں 3 چھکے اور 5 چوکے شامل تھے۔ مقصود 65 اور خوشدل شاہ 15 رنز پر ناٹ آؤٹ رہے۔

OMG @Rileerr!

That was one of the shots of the tournament! 👌🏼 #HBLPSL6 | #MatchDikhao | #MSvPZ pic.twitter.com/xXuZX3tom9

— PakistanSuperLeague (@thePSLt20) June 24, 2021

پشاور زلمی کی جانب سے محمد عمران اور ثمین گل نے 2،2 وکٹیں حاصل کیں۔

The #HBLPSL6 will crown a champion tonight. As we wait for the final game to commence, let us take a look at this year's #HBLPSL journey.

Full video: https://t.co/Wd3jmrNo9Q #MatchDikhao l #MSvPZ pic.twitter.com/J1anqpmHaj

— PakistanSuperLeague (@thePSLt20) June 24, 2021