سینٹرل جیل میں موبائل فون جیمرز نصب کر دیے گئے

اگلے مرحلے میں ڈسٹرکٹ جیل ملیر ، حیدرآباد ، سکھر اور لاڑکانہ سمیت دیگر جیلوں میں بھی موبائل فون جیمرز نصب کیے جائیں گے۔فوٹو:فائل

---

جیل میں بیٹھ کر اپنے گروپس آپریٹ کرنے والے دہشت گردوں کے رابطے منقطع کرنے کی غرض سے سینٹرل جیل میں موبائل فون جیمرز نصب کردیے گئے۔

تنصیب کے بعد سینٹرل جیل کے اطراف ڈیڑھ کلومیٹر تک کا علاقہ بھی متاثر ہوگا ، اگلے مرحلے میں دیگر جیلوں میں بھی جیمرز لگائے جائیں گے،تفصیلات کے مطابق جیلوں میں بیٹھ کر اپنے نیٹ ورکس آپریٹ کرنے والے دہشت گردوں کے باہر کی دنیا سے رابطے منقطع کرنے کی غرض سے سینٹرل جیل میں موبائل فون کے سگنل جام کرنے کے لیے جیمرز کی تنصیب کردی گئی ہے ، جیمرز 24 گھنٹے کام کریں گے ۔



جیمرز کی تنصیب کے بعد اطراف کے ڈیڑھ کلومیٹر تک کے علاقے میں موبائل فون سروس متاثر ہوگی اور شہریوں کو پریشانی کا سامنا کرنا پڑے گا ، اگلے مرحلے میں ڈسٹرکٹ جیل ملیر ، حیدرآباد ، سکھر اور لاڑکانہ سمیت دیگر جیلوں میں بھی موبائل فون جیمرز نصب کیے جائیں گے۔