رنبیر کپور اور دپیکا پڈوکون میں دوریاں بڑھنے لگیں

بالی وڈ کے اسٹار رنبیر کپور اور دپیکا پڈکون میں دوریاں بڑھنے لگیں چاکلیٹی ہیرو نے اداکارہ کے ساتھ کمرشل کرنے سے انکار کر دیاان دنوں رنبیر اور دپیکا کے درمیان ان بن چل رہی ہے جس کے پیش نظر رنبیر کپور نے دپیکا کے ساتھ کمرشل کرنے کو تیار نہیں۔

چاکلیٹی ہیرو نے کمرشل کے لیے ہاں کہہ دی تھی مگر جب انھیں پتہ چلا کہ دپیکا پڈکون کے ساتھ کام کرنا ہے تو انھوں نے کمرشل کرنے سے منع کر دیا اور یہ بھی کہہ ڈالا کہ انھیں یہ پروڈکٹ سوٹ نہیں کرتا کمپنی اب دپیکا کے ساتھ عمران خان کو کاسٹ کرنے کا سوچ رہی ہے۔




اس سلسلے میں یہ خبر سننے میں آرہی ہے کہ کترینا نے رنبیر کو دپیکا کی وجہ سے اس کمرشل میں کام کرنے سے منع کیا ہے۔