متاثرہ لڑکی کی درخواست پر پولیس نے باپ کو گرفتار کرلیا۔ (فائل فوٹو)
چائلڈ پروٹیکشن بیورو کی چیئرپرسن سارہ احمد کا کہنا ہے کہ پرائم منسٹر پورٹل پر شکایت کے بعد بیورو کی ریسکیو ٹیم نے پتوکی میں کارروائی کر کے متاثرہ لڑکی کو بازیاب کرالیا، لڑکی کی عمر 15 سال ہے، لڑکی کے والد نے اسے جنسی زیادتی کا نشانہ بنایا۔
سارہ احمد کے مطابق ریسکیو ٹیم نے پولیس کے ساتھ مشترکہ کارروائی کرتے ہوئے جنسی زیادتی کی شکار لڑکی کی بہن کو تحویل میں لے لیا، متاثرہ لڑکی نے والد کے خلاف کارروائی کے لیے پولیس کو تحریری درخواست دی جس کے بعد پولیس نے ملزم باپ کو گرفتار کرلیا۔
بیورو کی چیئرپرسن کا کہنا ہے کہ زیادتی کا شکار لڑکی کو مکمل تحفظ اور انصاف فراہم کیا جائے گا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔