یورینیم کی افزودگی ہمارا حق ہے دستبردار نہیں ہونگے ایران

ایرانی قوم کا کوئی حق ضائع نہیں ہوا ہے ۔علی اکبر صالحی

---

ایران کے ایٹمی توانائی کے ادارے کے سربراہ علی اکبر صالحی نے کہا ہے کہ تہران یورینیم کی افزودگی کے اپنے حق سے دستبردار نہیں ہوا ہے اور ایران، یورینیم کی افزودگی کے اپنے حق سے کبھی پیچھے نہیں ہٹے گا۔

گزشتہ روز ایرانی ٹی وی کو دیئے گئے ایک انٹرویومیں علی اکبر صالحی نے کہاکہ ایرانی قوم کا کوئی حق ضائع نہیں ہوا ہے اور مشترکہ طور پر کچھ اقدامات عمل میں لائے جانے کے بارے میں اتفاق رائے ہوا ہے جس میں یورینیم کی افزودگی کے حق سے دستبردار ہونے کا کوئی مسئلہ شامل نہیں ہے۔



انھوں نے کہا کے مقابل فریق نے اگر وعدے کی خلاف ورزی کی تو ایران، یورینیم کی بیس فیصد افزودگی کا عمل دوبارہ شروع کردے گا۔