ممبئی پولیس نے یامی گوتم کو منی لانڈرنگ کے الزام میں طلب کرلیا

یامی گوتم کا بینک اکاؤنٹ دیگر مشکوک اکاؤنٹس سے منسلک ہے، تحقیقات میں انکشاف۔ (فائل فوٹو)

---

بھارتی اداکارہ و ماڈل یامی گوتم کو ممبئی پولیس نے منی لانڈرنگ کے الزام میں طلب کرلیا ہے۔

بھارتی خبر رساں ایجنسی ایشیا نیوز انٹرنیشنل کے مطابق انفورسمنٹ ڈائرکٹوریٹ کے ممبئی یونٹ نے اداکارہ یامی گوتم کو فارن ایکسچینج مینجمنٹ ایکٹ (فیما) کی خلاف ورزی کرنے پر طلب کرلیا ہے، اداکارہ کو طلبی کا نوٹس جاری کرتے ہوئے ہدایت کی گئی ہے کہ وہ 7 جولائی کو یونٹ کے سامنے پیش ہوکر اپنا بیان ریکارڈ کروائیں۔

Mumbai: Enforcement Directorate (ED) summons actor Yami Gautam, asking her to appear before them next week to record her statement in connection with alleged irregularities under FEMA (Foreign Exchange Management Act).

(File photo) pic.twitter.com/orR0zzk2nn

— ANI (@ANI) July 2, 2021

رپورٹس کے مطابق ای ڈی کے ایک سینئر حکام نے شبہ ظاہر کیا ہے کہ یامی گوتم کے بینک اکاؤنٹ سے ڈیڑھ کروڑ روپے کی مشکوک ٹرانسزیکشن کی گئی ہے، یامی گوتم نے حکام کو نہیں بتایا تاہم ای ڈی کے خودکار نظام نے اس ٹرانسزیکشن کا سراغ لگا لیا۔ سینئر حکام کے مطابق تحقیقات میں اس بات کا بھی انکشاف ہوا ہے کہ یامی گوتم کا بینک اکاؤنٹ دیگر مشکوک اکاؤنٹس سے منسلک ہے۔

خیال رہے کہ حال ہی میں یامی گوتم رشتہ ازدواج میں منسلک ہوئی ہیں۔ اداکارہ نے لکھاری و ہدایت کار ادتیہ دھر سے شادی کی ہے۔ یامی گوتم نے 'کابل'، 'صنم رے' اور 'بالا' جیسی سپر ہٹ فلموں میں کام کیا ہے۔

With the blessings of our family, we have tied the knot in an intimate wedding ceremony today.
As we embark on the journey of love and friendship, we seek all your blessings and good wishes.

Love,
Yami and Aditya pic.twitter.com/W8TOpAJxja

— Yami Gautam Dhar (@yamigautam) June 4, 2021