کراچی میں گائے کی ٹکر سے نوجوان جاں بحق

سینے پر شدید ٹکر کے باعث وہ نوجوان موقع پر ہی دم توڑ گیا ۔ فوٹو : فائل

---

اورنگی ٹاؤن میں گائے کی ٹکر سے نوجوان جاں بحق ہوگیا۔

چند روز قبل اورنگی ٹاؤن 10 نمبر کا رہائشی 18 سالہ احد گلی میں اپنی گائے ٹہلا رہا تھا کہ گائے نے اسے ٹکر مار دی، سینے پر شدید ٹکر کے باعث وہ موقع پر ہی دم توڑ گیا۔

اہل خانہ فوری طور پر اسے ایمبولینس کے ذریعے قریبی اسپتال لے گئے جہاں ڈاکٹروں نے اسے عباسی شہید اسپتال ریفر کردیا، عباسی اسپتال میں معائنے کے بعد ڈاکٹروں نے موت کی تصدیق کردی، ورثا نے پولیس کارروائی سے گریز کیا اور عباسی اسپتال سے لاش واپس بغیر کسی قانونی کارروائی کے اپنے گھر لے گئے جب کہ واقعے کی سی سی ٹی وی فوٹیج بھی منظر عام پر آگئی ۔