وزیراعظم کا خواتین کے لباس سے متعلق بیان قابل افسوس ہے عفت عمر

مجھے ہمارے وزیراعظم کے بیان نے بہت مایوس کیا ہے، عفت عمر فوٹوفائل

---

اداکارہ و سابق ماڈل عفت عمر نے وزیراعظم عمران خان کے لباس سے متعلق بیان کو قابل شرم اور نہایت افسوسناک قرار دیا ہے۔

دو ہفتے قبل ایک انٹرویو کے دوران ایچ بی او کے میزبان جوناتھن سوان کی جانب سے وزیراعظم عمران خان سے سوال پوچھا گیا کہ کیا وہ سمجھتے ہیں کہ خواتین کا لباس مردوں کو ریپ کی ترغیب کا باعث بنتا ہے؟

اس سوال کے جواب میں وزیراعظم کا کہنا تھا کہ اگر خواتین کم کپڑے پہنیں گی تو اس کا اثر مردوں پر تو ہوگا اگر وہ روبوٹ نہ ہوئے تو۔

وزیراعظم عمران خان کے اس جواب پر ہنگامہ کھڑا ہوگیا تھا اور بہت سی خواتین نے عمران خان کے اس بیان کی مذمت کرتے ہوئے کہا تھا کہ ریپ کے لیے عورت کے لباس یا متاثرین کو موردالزام ٹہرانا درست نہیں۔

اداکارہ عفت عمر نے بھی حال ہی میں وزیراعظم کے اس بیان پر اپنا موقف جاری کیا ہے۔ انہوں نے ٹوئٹر پر ایک ویڈیو میں کہا ''میں یہ بات ریکارڈ پر لارہی ہوں کہ مجھے ہمارے وزیراعظم کے اس بیان نے بہت مایوس کیا ہے۔ اور صرف مجھے ہی نہیں بلکہ تمام عورتوں کو جنہیں انہوں نے ریپ کا موردالزام ٹہرایا ہے۔

عفت عمر نے مزید کہا عمران خان نے یہ دعویٰ کیا ہے کہ ریپ کا ذمہ دار کوئی بیمار ذہنیت کا شخص نہیں ہوتا بلکہ عورت کا لباس ہوتا ہے۔ وزیراعظم کا یہ بیان قابل شرم، قابل افسوس اور قابل گرفت ہے۔''

Message to @ImranKhanPTI
No wonder alleged harassers are getting medals and hosting awards.Pathetic pic.twitter.com/a8trM9JEIe

— Iffat Omar Official (@OmarIffat) July 3, 2021