امسال ایک لاکھ 43 ہزار پاکستانی فریضہ حج ادا کریں گے وفاقی وزیر برائے مذہبی امور

حکومت گزشتہ سال کی طرح رواں سال بھی عازمین کو ہر ممکن سہولیات فراہم کرے گی، وزیر مذہبی امور سردار محمد یوسف فوٹو: فائل

---

ISLAMABAD: پاکستان اور سعودی عرب کے درمیان حج 2014 کا معاہدہ طے پاگیا جس کے تحت رواں سال ایک لاکھ 43 ہزار پاکستانی حج کی سعادت حاصل کریں گے۔

پاکستان کی جانب سے وفاقی وزیر مذہبی امور سردار محمد یوسف جبکہ سعودی عرب کے ہم منصب ڈاکٹر بندر الحجار نے جدہ میں معاہدے پر دستخط کئے، اس موقع پر سردار محمد یوسف کا کہنا تھا کہ عازمین کے قیام کی مدت پہلے کی طرح 40 دن ہی ہوگی اور حکومت گزشتہ سال کی طرح رواں سال بھی عازمین کو ہر ممکن سہولیات فراہم کرے گی۔ ان کا کہنا تھا کہ عازمین حج کی تعداد اور کوٹے سمیت تمام انتظامات کی منظوری کابینہ دے گی۔