فولادی اسکریپ کی قیمت میں دگنا اضافہ

(فوٹو : فائل)

---

کورونا کے بعد تعمیراتی شعبے سمیت معیشت کے دیگر شعبوں کی بحالی سے فولاد کی عالمی سطح پر قیمتوں میں اضافے کا رحجان غالب ہے، رواں سال کے آغاز سے اب تک فولادی اسکریپ کی قیمت تقریباً دگنی ہوگئی۔

ایکسپریس نیوز کے مطابق اس وقت عالمی مارکیٹ میں فولادی اسکریپ کی فی ٹن قیمت 287 ڈالر سے بڑھ کر 517 ڈالر ہوچکی ہے۔ فولادی اسکریپ کی فی ٹن قیمت میں 230 ڈالر فی ٹن کا اضافہ دیکھا گیا ہے جبکہ چین کی حکومت نے بھی اپنے ہاں فولادی اسکریپ کی درآمد پر پابندی ختم کردی ہے۔

ذرائع نے بتایا کہ پاکستان میں بڑھتی ہوئی تعمیراتی سرگرمیوں کی وجہ سے فولادی مصنوعات کی طلب بڑھ گئی ہے اور فولادی مصنوعات کی طلب میں 18 فیصد کا اضافہ دیکھا گیا ہے۔ مقامی مارکیٹ میں اسکریپ کی قیمت 90 فیصد تک بڑھ ہے۔ سریے کی مقامی قیمت میں 36 ہزار سے 40 ہزار روپے تک کا اضافہ دیکھا گیا ہے۔