وزیراعظم عمران خان نے اپنے بچپن کی تصویر انسٹا گرام پر شیئر کردی

وزیراعظم کی یہ تصویر سوشل میڈیا پر وائرل ہورہی ہے فوٹوفائل

---

وزیراعظم عمران خان نے اپنے بچپن کی ایک پرانی یادگار تصویر شیئر کی ہے۔

وزیراعظم عمران خان نے سوشل میڈیا ایپ انسٹاگرام پر اپنی ایک پرانی بلیک اینڈ وہائٹ تصویر شیئر کی ہے جس میں وہ دولہے کے برابر میں کھڑے ہیں۔ وزیراعظم کی یہ تصویر سوشل میڈیا پر وائرل ہورہی ہے۔

وزیراعظم نے تصویر کی تاریخ بتاتے ہوئے لکھا کہ اس تصویر میں وہ 7 برس کے ہیں اور یہ ان کے کزن کی شادی کی تصویر ہے۔ وزیراعظم عمران خان نے مزید کہا میرے ماموں ( میری والدہ کے بھائی) احمد رضا خان کو میرے پیچھے دیکھا جاسکتا ہے۔

وزیراعظم کی تصویر پر کیے جانےوالے تبصروں میں لوگ ان کے بچپن کی تصویر کو بے حد پسند کررہے ہیں اور ان کے لیے نیک خواہشات کا اظہار کررہے ہیں۔

[instagram-post url="https://www.instagram.com/p/CQ_pdwFHGbM/"]