بالی وود کے ڈیشنگ ہیرو ادیتیہ رائے کپور ڈانس کرتے کرتے زخمی ہوگئے۔

اپنی فلم عاشقی ٹو میں دلوں کو چھولینے والی اداکاری کرنے والے ادیتیہ رائے کپور ان دنوں زخمی ہونے کے باعث آرام کررہے ہیں۔وہ اپنی نئی فلم دعوت عشق کی شوٹنگ میں مصروف تھے اور اس کے لیے نیا گیت ریکارڈ کرارہے تھے۔ لیکن وہ ایسے مست ہوکر ناچے کہ ان کا پیرپھسلا جس کے باعث وہ زخمی ہوگئے۔ ڈاکٹرز نے انھیں فی الحال دو تین ہفتے آرام کرنے کا مشورہ دیا ہے جس کے باعث دعوت عشق کی عکس بندی رک گئی ہے۔