رنبیر کپور’’رائے‘‘ میں مہمان نہیں مرکزی کردار میں ہوں گے

رنبیر کے ساتھ جیکولین اور ارجن رام پال ہونگے۔ہدایتکار۔ فوٹو: فائل

---

بالی ووڈ کی نئی آنے والی فلم رائے پر تیزی سے کام ہورہاہے۔ فلم کے ہدایتکار وکرم جیت سنگھ کہتے ہیں کہ ان کی نئی آنے والی فلم رائے میں رنبیر کپور ہی لیڈنگ کردار ادا کریں گے۔

بالی ووڈ ہیرو رنبیر کپور کی فلم بے شرم کی ناکامی کے باعث انڈسٹری میں یہ افواہیں گردش کررہی تھیں کہ انھیں اس فلم میں محض مہمان اداکار کے طور پر شامل کیاجارہاہے۔لیکن یہ تمام افواہیں اس وقت دم توڑ گئیں جب ہدایتکار وکرم جیت سنگھ نے واشگاف الفاظ میں اعلان کیاکہ نئی فلم میں رنبیر کپور ہی مرکزی کردار نبھائیں گے اور ان کے ساتھ جیکولین اور ارجن رام پال ہونگے۔