حکومت نے پی ٹی وی اور ریڈیو پاکستان کے انضمام کا فیصلہ کیا ہے۔

ایکسپریس کو دستیاب دستاویزات کے مطابق وزارت اطلاعات نے پی ٹی وی اور ریڈیو پاکستان کے اخراجات کی تفصیلات طلب کرلی ہیں۔ دونوں اداروں کے بجٹ، ملازمین، اثاثوں، پینشن اور تنخواہوں کی تفصیلات بھی طلب کی گئی ہیں۔

وزیراطلاعات و نشریات فواد چوہدری نے کہا ہے کہ پی ٹی وی اور ریڈیو پاکستان کے انتظامی معاملات ایک ہی بورڈ آف ڈائریکٹرز دیکھے گا تاہم دونوں ادارے علیحدہ علیحدہ کام کرتے رہیں گے۔