مفتی تقی عثمانی پرحملہ کرنے والے ملزم کے خلاف اقدام قتل کا مقدمہ درج

ملزم کے خلاف مقدمہ سرکارمدعیت میں اقدام قتل کی دفعہ پردرج کیا گیا ہے، ایس پی لانڈھی

ویب ڈیسک July 09, 2021

ملزم کے خلاف عوامی کالونی تھانے میں مقدمہ درج کرلیا گیا ہے۔

ISLAMABAD: مفتی تقی عثمانی پرحملہ کرنے والے ملزم کے خلاف اقدام قتل کا مقدمہ درج کرلیا گیا۔

ایکسپریس نیوزکے مطابق گزشتہ روزممتازعالم دین مفتی تقی عثمانی پرحملہ کرنے والے ملزم عاصم کو باقاعدہ گرفتارکرلیا گیا۔ ملزم کے خلاف عوامی کالونی تھانے میں مقدمہ درج کرلیا گیا ہے۔

ایس پی لانڈھی شاہنوازچاچڑکا کہنا ہے کہ ملزم کے خلاف مقدمہ سرکارمدعیت میں اقدام قتل کی دفعہ پردرج کیا گیا ہے۔

اس خبرکوبھی پڑھیں: ممتاز عالم دین مفتی تقی عثمانی پر ایک اور قاتلانہ حملے کی کوشش

گزشتہ روزمفتی تقی عثمانی پرایک بارپھرقاتلانہ کرنے کی کوشش کی گئی تھی تاہم ان کے محافظوں کی جانب سے تلاشی لینے پرمبینہ ملزم کی جیب سے چاقوبرآمد ہوا تھا۔

واضح رہے کہ مارچ 2019 میں بھی کراچی کے علاقے نیپا چورنگی کے قریب مفتی تقی عثمانی کے قافلے کو نامعلوم ملزمان کی جانب سے نشانہ بنایا گیا تھا جس میں 2 افراد جاں بحق اور 2 زخمی ہوگئے تھے۔