شادی کی تقریب میں ہوائی فائرنگ سے 4 سالہ بچی جاں بحق

کے قبضہ سے جدید رائفل، پسٹل اور گولیاں برآمد کرلیں، پولیس۔ فوٹو:ایکسپریس

---

نشترکالونی میں شادی کی تقریب میں ہوائی فائرنگ سے 4 سالہ بچی جاں بحق ہوگئی۔
ایکسپریس نیوز کے مطابق لاہور کے علاقے نشتر کالونی میں گزشتہ رات شادی کی تقریب میں ہوائی فائرنگ سے 4 سالہ بچی جاں بحق ہوگئی، پولیس نے ملزمان کو گرفتارکرے اسلحہ برآمد کرلیا ہے۔

4 سالہ مقتولہ آیت جان کے چچا عثمان سلامت نے تھانہ نشترکالونی میں ملزمان کے خلاف مقدمہ درج کرایا جس میں مؤقف پیش کیا کہ ملزمان نے شادی کی خوشی میں فائرنگ کی جس کے نتیجے میں میری بھتیجی ایک اندھی گولی کا نشانہ بن گئی، بچی کو چہرے پر گولی لگی جس سے وہ شدید زخمی ہوگئی، اسے اسپتال منتقل کیا جارہا تھا کہ وہ رستے میں ہی دم توڑ گئی، پولیس ملزمان کو گرفتار کرے اور ہمیں انصاف دیا جائے۔

تھانہ نشتر کالونی پولیس نے فائرنگ کرنے والے دونوں ملزمان گرفتار کرلئے، گرفتار ملزمان میں شکیل اور فہد شامل ہیں، جب کہ ان کے قبضہ سے جدید رائفل، پسٹل اور گولیاں برآمد کرلیں۔