چین میں ہوٹل کی عمارت کا حصہ گرنے کے نتیجے میں 8 افراد ہلاک ہوگئے۔

غیر ملکی خبر رساں ادارے کے مطابق چین کے شہر سوزہو میں ہوٹل کی عمارت کا ایک حصہ گرنے کے نتیجے میں 8 افراد ہلاک ہوگئے جب کہ 9 اب بھی لاپتہ ہیں جن کی تلاش کے لیے ریسکیو ورک جاری ہے۔ شہری انتظامیہ کے مطابق امدادی کارروائیوں کے دوران 14 افراد کو بحفاظت عمارت سے باہر نکالا گیا جب کہ عمارت گرنے کی وجہ سامنے نہیں آسکی، اس حوالے سے تحقیقات جاری ہیں۔