خوشاب میں ضمنی انتخابات ایکسپریس نیوز نے ٹھپہ مافیا کو بے نقاب کردیا

ایکسپریس نیوز کے نمائندے نے ٹھپہ مافیا کو پکڑنے کوشش کی تاہم دونوں افراد فائرنگ کرتےہوئے فرار ہوگئے فوٹو:ایکسپریس نیوز

---

KARACHI: قومی اسمبلی کے حلقہ این اے 69 میں ضمنی انتخابات کے دوران ایکسپریس نیوز نے ٹھپہ مافیا کو بے نقاب کردیا۔

خوشاب کے علاقے گولے والی کے ایک پرائمری اسکول میں حلقہ این اے 69 کے پولنگ اسٹیشن سے تقریباً 2 کلومیٹر دور کھیتوں میں بیٹھے ایک سیاسی جماعت کے 2 کارکن بیلٹ پیپر پر ٹھپے لگا رہے تھے کہ اس دوران ایکسپریس نیوز کے نمائندے نے دونوں کو پکڑنے کوشش کی تاہم دونوں افراد فائرنگ کرتے ہوئے فرار ہوگئے۔ ایکسپریس نیوز کےنمائندے کو جائے وقوعہ سے بیلٹ پیپر کی کاپیاں اور ٹھپے بھی ملے ۔

حلقہ این اے 69 میں آج ہونے والے ضمنی انتخابات میں اصل مقابلہ مسلم لیگ (ن) کے عزیز ملک اور تحریک انصاف کے عمر اسلم کے درمیان ہے۔ اس حلقے سے عام انتخابات میں کامیاب ہونے والی سمیرا ملک کو بی اے کی ڈگری جعلی ثابت ہونے پر نااہل قرار دے دیا گیا تھا۔