بابراعظم نے ون ڈے کرکٹ کی ریکارڈ بک الٹ پلٹ کردی

بابراعظم ون ڈے میں 150 رنز بنانے والے پہلے پاکستانی کپتان بن گئے      

---

قومی ٹیم کے کپتان بابراعظم نے انگلینڈ کے خلاف میچ میں کئی ریکارڈ اپنے نام کرلیے۔

پاکستان کرکٹ ٹیم کے کپتان بابراعظم نے انگلینڈ کے خلاف ایک روزہ سیریز کے تیسرے اور آخری ون ڈے میں کیریئر کی 14ویں سنچری اسکور کرتے ہوئے کئی ریکارڈ اپنے نام کرلیے۔

بابراعظم نے انگلینڈ کے خلاف ایک روزہ کیریئر کی بہترین اننگز کھیلتے ہوئے 158 رنز بنائے جس میں 4 چھکے اور 14 چوکے شامل تھے۔ بابراعظم پاکستان کی جانب سے 150 رنز بنانے والے پہلے پاکستانی کپتان بھی بن گئے ہیں جب کہ انگلینڈ کے خلاف کسی بھی ٹیم کے کپتان کی جانب سے یہ سب سے بڑی اننگز تھی۔

Personal best ✅
Highest ODI score for Pakistan vs England ✅
Highest ODI score by a Pakistan captain ✅
Highest ODI score by any captain against England ✅

Take a bow, @babarazam258 🙌 pic.twitter.com/wabjJcDaGr

— ESPNcricinfo (@ESPNcricinfo) July 13, 2021

دوسری جانب بابراعظم نے انگلینڈ کے خلاف ایک روزہ کرکٹ میں پاکستان کی جانب سے سب سے بڑی انفرادی اننگز بنانے کا ریکارڈ بھی اپنے نام کرلیا۔ اس سے قبل امام الحق نے 2019 میں انگلینڈ کے خلاف 151 رنز کی اننگز کھیلی تھی۔

انگلینڈ کے خلاف میچ میں بابراعظم اور محمد رضوان کے درمیان ریکارڈ ساز پارٹنرشپ بھی قائم ہوئی۔ قومی ٹیم کے کپتان نے محمد رضوان کے ساتھ ملکر 179 رنز کی شراکت قائم کی جو پاکستان کی جانب سے انگلینڈ کے خلاف ون ڈے کرکٹ کی تاریخ میں اب تک کی سب سے بڑی پارٹنرشپ ہے۔

WHAT A KNOCK!
Pakistan captain @babarazam258 records his highest score in ODIs

Runs: 1⃣5⃣8⃣
Balls: 1⃣3⃣9⃣
Fours: 1⃣4⃣
Sixes: 4⃣#ENGvPAK | #HarHaalMainCricket | #BackTheBoysInGreen pic.twitter.com/sTCOgsj0Un

— Pakistan Cricket (@TheRealPCB) July 13, 2021