اسلام آباد میں خاتون کو بلیک میل کرنے والا ملزم گرفتار

تھانہ آبپارہ کے علاقہ میں خاتون کو بلیک میل کرنے والے ملزم کو گرفتار کرلیا گیا۔

آئی جی اسلام آباد قاضی جمیل الرحمان نے وقوعہ کا نوٹس لیتے ہوئے ڈی آئی جی آپریشنز افضال احمد کوثر کو ملزم کی فوری گرفتاری کا حکم دیا۔


پولیس نے وقوعہ کا مقدمہ درج کرکے ایک ملزم حفیظ کو گرفتار کرلیا ہے جس سے تفتیش شروع کردی گئی ہے۔ پولیس کی جانب سے دوسرے ملزم کی گرفتاری کے لئے چھاپے مارے جارہے ہیں۔

علاوہ ازیں تھانہ شہزاد ٹاؤن کے علاقہ میں لڑکی کے ساتھ مبینہ زیادتی کا وقوعہ پیش آیا ہے۔ آئی جی اسلام آباد قاضی جمیل الرحمان نے واقعے کا نوٹس لیتے ہوئے ڈی آئی جی آپریشنز افضال احمد کوثر کو ملزم کی فوری گرفتاری کی ہدایت کی۔ تھانہ شہزاد ٹاؤن پولیس نے ملزم سرکاری آفیسر سہیل کو گرفتار کرکے مقدمہ درج کرلیا جس سے تفتیش شروع کردی گئی ہے۔