شاہدہ منی نے سوشل ویب سائٹ پر فین پیج بنالیا

گلوکارہ شاہدہ منی نے سوشل ویب سائٹ پر فین پیج بنا لیا ہے، جس کو پرستاروں کی ایک کثیر تعداد نے دیکھا اور پسندیدگی کا اظہار کیا ہے۔

اس حوالے سے شاہدہ منی نے ''ایکسپریس'' سے گفتگو کرتے ہوئے بتایا کہ انٹرنیٹ پرستاروں سے رابطے کا بہترین ذریعہ ہے۔اسی لیے اپنے پرستاروں سے رابطے میں رہنے کے لیے سوشل ویب سائٹ پر فین پیج بنایا ہے، جس میں وہ میری مصروفیات اور آئندہ کے پروگراموں کے بارے میں اپ ڈیٹس ملتی رہینگی۔




شاہدہ منی نے کہا کہ میرے لیے خوشی کی بات ہے کہ اس فین پیج کو پاکستان کے علاوہ بھارت اور یورپی ممالک میں رہنے والے پرستاروں کی ایک کثیر تعداد جوائن کیا ہے۔ اپنی ان تمام کامیابیوں کا کریڈٹ میری والدہ اور اساتذہ کو جاتا ہے۔ انھوں نے کہا کہ ان دنوں بھی نئے میوزک البم پر کام کر رہی ہوں جو سال رواں میں پاکستان ، بھارت اور یورپ سے بیک وقت ریلیز کیا جائے گا۔