عالیہ بھٹ بہترین اداکارہ بنیں گی پرینیتی چوپڑا

وہ دن دور نہیں جب عالیہ بھٹ بہترین اداکارہ کا خطاب حاصل کر لیں گی۔ فوٹو: فائل

---

بالی ووڈ اداکارہ پرینیتی چوپڑا نے اداکارہ عالیہ بھٹ کے مستقبل میں بہترین اداکارہ بننے کی پیشن گوئی کر دی۔

اداکارہ پرینیتی چوپڑا نے ٹی وی شو ''کانی ودکرن'' میں انٹرویو دیتے ہوئے یہ پیشن گوئی کی۔ اداکارہ کا کہنا تھا کہ عالیہ ان کی اچھی دوستوں میں سے ہیں ان میں کمال کی اداکارانہ صلاحیتیں موجود ہیں وہ دن دور نہیں جب عالیہ بھٹ بہترین اداکارہ کا خطاب حاصل کر لیں گی۔



انھوں نے عالیہ بھٹ کی خوبصورتی کو سراہتے ہوئے کہا کہ اداکارہ اچھی اداکاری کے ساتھ خوبصورت چہرے کی بھی مالک ہیں اگر وہ اداکارہ نہ ہوتی تو عالیہ بھٹ کی بڑی پرستاروں میں سے ہوتی۔ پرینیتی چوپڑا کی آئندہ فلم ''ہنس تو پھنس'' ہو گی جس میں ان کے مدمقابل ہیرو اداکارہ سدھارتو ملہوترا ہوں گے۔ فلم جلد ہی سینما گھروں میں نمائش کے لیے پیش کر دی جائے گی۔