آسٹرازینیکا ویکسین کی ایک اورکھیپ پاکستان پہنچ گئی

پاکستان کو امریکا سے بطور امداد موڈرنا ویکسین کی 25 لاکھ خوراکیں بھی کوویکس پلیٹ فارم کے تحت ملی تھیں۔

---

کوویکس کے تحت آسٹرازینیکا ویکسین کی ایک اورکھیپ پاکستان پہنچ گئی۔

ترجمان وزرات صحت ساجد شاہ کے مطابق کوویکس کے تحت آسٹرازینیکا ویکسین کی ایک اورکھیپ پاکستان پہنچ گئی۔ آسٹرازینیکا ویکسین کی 12 لاکھ 36 ہزارخوراکیں بطور امداد اسلام آباد پہنچیں ہیں۔

ترجمان کے مطابق کوویکیس کے تحت آسٹرازینیکا ویکسین کی یہ دوسری کھیپ ہے جب کہ پہلی کھیپ میں 12 لاکھ 38 ہزارخوراکیں ملی تھیں۔

کوویکس کے تحت پاکستان میں تین مختلف ویکسین آچکی ہیں۔ کوویکس کے تحت آج پہنچے والی امدادی ویکسین کی چوتھی کھیپ ہے۔ دوکھیپ 26 لاکھ 74 ہزارتک کویکس ویکسین بطورامداد مل چکی جب کہ کوویکس کے تحت فائزر ویکسین کی ایک لاکھ 6 ہزار خوراکیں بھی پاکستان کوملی تھیں۔

واضح رہے کہ پاکستان کو امریکا سے بطورامداد موڈرنا ویکسین کی 25 لاکھ خوراکیں بھی کوویکس پلیٹ فارم کے تحت ملی تھیں۔