NEW YORK: مقبوضہ وادی میں قابض افواج کی فائرنگ کے نتیجے میں 2 کشمیری نوجوان شہید ہوگئے۔

کشمیر میڈیا سروس کے مطابق بھارتی فوج کی ریاستی دہشتگردی کی تازہ کارروائیوں کے نتیجے میں مزید 2 کشمیری نوجوان شہید ہوگئے، قابض فوج نے ضلع سوپور میں نام نہاد سرچ آپریشن کے دوران فائرنگ کرکے نوجوانوں کو شہید کیا۔

کشمیر میڈیا سروس کے مطابق ضلع میں اب بھی آپریشن جاری ہے، اس موقع پر علاقے کے داخلی اور خارجی راستوں کو مکمل سیل کردیا گیا ہے جب کہ علاقے میں موبائل اور انٹرنیٹ سروس کو بھی معطل کردیا گیا ہے۔