آزاد کشمیر انتخابات پولنگ کے دوران مریم نواز سوشل میڈیا پر سرگرم

مریم نواز وڈیوز اور تصاویر شیئر کرتے ہوئے مسلم لیگ (ن) کے کارکنوں کے حوصلے بڑھاتی رہیں

ویب ڈیسک July 25, 2021

مسلم لیگ (ن) کی کارکن ووٹ چوروں کو بے نقاب کر رہے ہیں، مریم نواز فوٹو: فائل

آزاد کشمیر انتخابات کے دوران مسلم لیگ (ن) کی نائب صدر مریم نواز سوشل میڈیا کے ذریعے پارٹی کارکنوں کے حوصلے بڑھاتی رہیں۔

آزاد کشمیر کی قانون ساز اسمبلی کے انتخابات میں پولنگ کے دوران جہاں مختلف مقامات پر سیاسی جماعتوں کے کارکنوں کے درمیان تلخ کلامی اور جھگڑے ہوئے وہیں مسلم لیگ (ن) کی نائب صدر مریم نواز سوشل میڈیا کے ذریعے پارٹی کارکنوں کے حوصلے بڑھاتی رہیں۔

اپنی ایک ٹوئٹ میں مریم نواز نے کہا مسلم لیگ (ن) کے کارکن ڈٹ گئے، کارکن ووٹ چوروں کو بے نقاب کر رہے ہیں۔ نواز شریف کی ووٹ کو عزت دو تحریک نے انتہائی متحرک کارکنوں کو جنم دیا ہے۔

مسلم لیگ ن کارکن ڈٹ گے، کارکن ووٹ چوروں کو بے نقاب کر رہے ہیں۔ نواز شریف کی ووٹ کو عزت دو تحریک نے انتہائی متحرک کارکنوں کو جنم دیا ہے۔ شاباش شیرو، شاباش 🐅
— Maryam Nawaz Sharif (@MaryamNSharif) July 25, 2021

اپنی ایک ٹوئٹ میں مرریم نواز نے ایک انتخابی دفتر کی وڈیو شیئر کرتے ہوئے کہا کہ کوئی مقابلہ ہی نہیں اسی لیے غنڈہ گردی ہی ان کا سہارا ہے۔

کوئی مقابلہ ہی نہیں اسی لیے غنڈہ گردی ہی ان کا سہارا ہے pic.twitter.com/CEVDc8AQQF
— Maryam Nawaz Sharif (@MaryamNSharif) July 25, 2021

ایک اور ٹوئٹ میں ایک وڈیو شیئر کرتے ہوئے مریم نواز نے کہا کہ (ن) لیگ سے مقابلہ نہ کر سکو تو پورے کے پورے خاندانوں کے ووٹ ہی کینسل کرا دو مگر اب بوڑھا ہو یا جوان، سب ووٹ چوروں کو گھر تک چھوڑ کر آئیں گے۔

ن لیگ سے مقابلہ نہ کر سکو تو پورے کے پورے خاندانوں کے ووٹ ہی کینسل کرا دو مگر اب بوڑھا ہو یا جوان، سب ووٹ چوروں کو گھر تک چھوڑ کر آئیں گے ! pic.twitter.com/8VffrmQ1L6
— Maryam Nawaz Sharif (@MaryamNSharif) July 25, 2021