جنوبی افریقا کی موجودگی میں ٹورنامنٹ جیتنا خوش آئند ہے کپتان قومی ویمن ٹیم ثناء میر

3ملکی ٹی20 کرکٹ ٹورنامنٹ کے فائنل میں جنوبی افریقا کو 7 وکٹوں سے شکست دی تھی۔ فوٹو؛ آن لائن

---

قومی ویمن ٹیم کی کپتان ثناء میر نے کہا ہے کہ جنوبی افریقا جیسی مضبوط ٹیم کی موجودگی میں ٹورنامنٹ جیتنا بڑا خوش آئند ہے اس سے کھلاڑیوں کے حوصلے بلند ہوں گے۔

سہہ ملکی کرکٹ ٹورنامنٹ جیتنے کے بعد دوحہ سے وطن واپس پہنچنے کے بعد کراچی ایئرپورٹ پر میڈیا سے گفتگو کرتے ہوئے ثناء میر کا کہنا تھا کہ متحدہ عرب امارات میں کھیلا گیا 3ملکی ٹورنامنٹ جیتنے پربےحدخوشی ہے، تمام کھلاڑیوں نےعمدہ کارکردگی کا مظاہرہ کیا، مستقبل میں بھی اچھی کارکردگی دکھانےکی کوشش کریں گے۔

واضح رہے کہ پاکستان ویمن ٹیم نے دوحہ قطر میں کھیلے گئے 3ملکی ٹی20 کرکٹ ٹورنامنٹ کے فائنل میں جنوبی افریقا کو 7 وکٹوں سے شکست دی تھی۔