صوبے لغمان میں 2 مختلف ٹریفک حادثوں کے نتیجے میں 20 افراد ہلاک اور 18 زخمی ہوگئے۔

افغان میڈیا کے مطابق صوبے لغمان میں 2 مختلف حادثوں کے نتیجے میں 20 افراد ہلاک اور 18 زخمی ہوگئے، پہلا حادثہ نارنج باغ گاؤں میں پیش آیا جہاں مسافر بس دوسری سمت سے آنے والی گاڑی سے ٹکراگئی جس کے باعث بچوں اور خواتین سمیت 8 افراد ہلاک اور 10 زخمی ہوگئے۔

دوسری جانب عزیز خان کاٹس گاؤں میں حادثے کے نتیجے میں 12 افراد ہلاک اور 8 زخمی ہوگئے۔ افغان حکام کے مطابق دونوں حادثات ڈرائیورز کی لاپرواہی کی وجہ سے پیش آئے جس پر ان کے خلاف کارروائی کی جائے گی۔