کراچی ایم کیوایم کے رکن سندھ اسمبلی محمد کامران کی گاڑی پر فائرنگ محافظ سمیت 2 افراد زخمی

محمد کامران عام انتخابات میں متحدہ قومی موومنٹ کے ٹکٹ پر پی ایس 111 سے رکن صوبائی اسمبلی منتخب ہوئے۔ فوٹو: فائل

---

KARACHI: نارتھ کراچی میں رکن سندھ اسمبلی محمد کامران کی گاڑی پر نامعلوم افراد کی فائرنگ کے نتیجے میں محافظ سمیت 2 افراد زخمی ہوگئے تاہم خوش قسمتی سے رکن سندھ اسمبلی حملے میں محفوظ رہے۔

ایکسپریس نیوز کے مطابق رکن صوبائی اسمبلی محمد کامران اپنی گاڑی میں نارتھ کراچی سے گزر رہے تھے کہ اچانک نامعلوم مسلح افراد نے ان کی گاڑی پر فائرنگ کردی، خوش قسمتی سے محمد کامران اس قاتلانہ حملے میں محفوظ رہے لیکن فائرنگ کی زد میں آکر ان کے محافظ سمیت 2 افراد زخمی ہوگئے جبکہ حملہ آور کارروائی کے بعد باآسانی فرار ہونے میں کامیاب ہوگئے۔

واضح رہے کہ محمد کامران عام انتخابات میں متحدہ قومی موومنٹ کے ٹکٹ پر پی ایس 111 سے رکن صوبائی اسمبلی منتخب ہوئے۔