وبا کی روک تھام کے سلسلے میں بھی پولیس کے جوانوں نے ہر اول دستے کے طور پر کردار نبھایا، بلاول
پی پی پی چیئرمین بلاول بھٹو زرداری نے یومِ شہدائے پولیس پر پیغام میں کہا کہ عوام کے جان و مال کی حفاظت اور امن کی خاطر جانیں قربان کرنے والے پولیس شہداء کو سلام پیش کرتے ہیں۔ دہشتگردی کے خاتمے میں پولیس کا کردار تاریخی رہا، قربانیاں بے مثال ہیں۔ قوم کو اپنی پولیس کے شہداء پرفخر ہے۔
بلاول نے کہا کہ وبا کی روک تھام کے سلسلے میں بھی پولیس کے جوانوں نے ہر اول دستے کے طور پر کردار نبھایا، محدود وسائل میں بھرپور طریقے سے ذمے داریاں نبھانے پر افسران و جوانوں کو خراج تحسین پیش کرتا ہوں۔ پی پی پی چیئرمین نے پولیس کے بہادرسپوتوں کے اہلِ خانہ کے ساتھ بھی یکجہتی کا اظہار کیا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔