آنے والی فلم میں باکسر میری کوم کا کردار کرونگی پریانکا

اولمپک چمپئن باکسر میری کوم کا کردار کرتے ہوئے چہرے پر کئی مکے کھائے

این این آئی January 26, 2014

پہلی انڈین ماڈل ہوں جسے گیس گرل کے طور پر چنا گیا ۔فوٹو: فائل

بالی ووڈ کی میگا سٹار پریانکا چوپڑا نے کہا ہے کہ آنیوالی فلم میں وہ اولمپک چیمپئن باکسر میری کوم کے کردار میں نظر آئیں گی ٗجب آپ کچھ نیا کام کرتے ہیں تو اس کی مخالفت بھی کی جاتی ہے۔

میڈیا سے بات چیت کرتے ہوئے انھوں نے کہا کہ وہ پہلی انڈین ماڈل ہیں جنھیں گیس گرل کے طور پر چنا گیا اور ان کے لیے یہ بات بہت اہم ہے۔ پریانکا نے کہا کہ وہ موسیقی اور شاعری کے ساتھ فلموں کو بھی وقت دیتی ہیں اور ان کی آنیوالی فلم میں وہ اولمپک چیمپئن باکسر میری کوم کے کردار میں نظر آئیں گی۔

photo 4_zps5ca492a9.jpg

انھوں نے کہا کہ جب آپ کچھ نیا کام کرتے ہیں تو اس کی مخالفت بھی کی جاتی ہے اور اس میں پریشانی بھی ہوتی ہے، ایسا ہی میرے ساتھ بھی ہوا، میری کوم کا کردار کرتے ہوئے چہرے پر کئی مکے کھائے۔ پریانکا نے کہا کہ جس طرح محنت سے انھوں نے اداکاری کے شعبہ میں اپنی صلاحیتوں کا لوہا منوایا ہے اسی طرح گلوکاری میں بھی نام پیدا کریں گی اور اس امید کا اظہار کیا کہ ان کی گلوکاری عوام کو ضرور پسند آئیگی۔