روپے کے مدمقابل ڈالر کی قدر میں کمی

اوپن مارکیٹ میں ڈالر کی قدر 20 پیسے کی کمی سے 163.80 روپے پر بند ہوئی (فائل فوٹو)

---

زرمبادلہ کی دونوں مارکیٹوں میں روپے کے مقابلے ڈالر کی قدر میں کمی ہوئی ہے۔

ایکسپریس نیوز کے مطابق زرمبادلہ کی دونوں مارکیٹوں میں ڈالر کے مقابلے میں روپیہ تگڑا رہا جس سے اوپن کرنسی مارکیٹ میں ڈالر کی قدر 164 روپے سے نیچے آگئی۔

انٹربینک مارکیٹ میں ڈالر کی قدر طلب ورسد کے تناظر میں اتار چڑھاو کا شکار ہونے کے بعد کاروبار کے اختتام پر مزید 25 پیسے کی کمی سے 163.22 روپے پر بند ہوئی جبکہ اوپن کرنسی مارکیٹ میں ڈالر کی قدر 20 پیسے کی کمی سے 163.80 روپے پر بند ہوئی۔