راولپنڈی ٹرک اور مسافر ویگن میں تصادم ماں بیٹے سمیت 4 جاں بحق

مسافر ویگن چک بیلی روڈ پر ٹرک سے ٹکرا گئی، جاں بحق افراد میں ڈرائیور، دو خواتین ٹیچرز اور چار سالہ بچہ شامل (فوٹو : فائل)

---

بیلی خان روڈ پر ٹرک اور مسافر ویگن کے درمیان تصادم کے باعث ماں اور بیٹے سمیت 4 افراد جاں بحق ہوگئے۔

ترجمان 1122 نے بتایا کہ چک بیلی روڈ سے راولپنڈی آتے ہوئے مسافر ویگن اور ٹرک کے درمیان خوف ناک تصادم ہوا جس کے نتیجے 4 سالہ بچہ، 2 خواتین ٹیچرز اور ڈرائیور جاں بحق ہوگئے۔ جاں بحق ہونے والوں میں مسافر ویگن کا ڈرائیور 34 سالہ رضوان، خواتین ٹیچرز 28 سالہ نذرانہ بی بی، 30 سالہ نائیلہ اور چار سالہ ہادی شامل ہیں۔

حادثہ میں جاں بحق ہونے والی بچہ ٹیچر نائلہ کا بیٹا تھا، دیگر چار زخمیوں کو امدادی ٹیموں نے موقع پر پہنچ کر رورل ہیلتھ سینٹر منتقل کردیا۔ حادثے میں جاں بحق افراد کی لاشیں پوسٹ مارٹم کے لیے ڈسٹرکٹ ہیڈ کوارٹرز ہسپتال منتقل کردی گئی ہیں۔

زخمیوں کو زیادہ چوٹیں سر میں آئی ہیں، حادثے میں مسافر ویگن مکمل طور پر تباہ ہوگئی، مسافر ویگن چک بیلی خان سے راولپنڈی آتے ہوئے حادثہ کا شکار ہوئی، مقامی پولیس نے موقع پر پہنچ کر تحقیقات کا آغاز کردیا ہے۔