امریکی طیاروں کی افغانستان میں طالبان کے ٹھکانوں پر بمباری

امریکی بمباری میں 200 کے قریب طالبان مارے گئے اور 100 سے زائد گاڑیاں تباہ ہوگئیں، ترجمان افغان ملٹری

ویب ڈیسک August 08, 2021

امریکی بمباری میں 200 کے قریب طالبان مارے گئے اور 100 سے زائد گاڑیاں تباہ ہوگئیں، ترجمان افغان ملٹری

امریکی طیاروں نے ایک بار پھر افغانستان میں طالبان کے ٹھکانوں بمباری کی ہے۔

افغان ملٹری کے ترجمان فواد امان کے مطابق امریکی B-52 بمبار طیاروں نے صوبے جوزجان کے شہر شبرغان میں بمباری کی جس کے نتیجے میں طالبان کو بھاری جانی و مالی نقصان کا سامنا کرنا پڑا، اطلاعات کے مطابق امریکی بمباری میں 200 کے قریب طالبان مارے گئے اور 100 سے زائد گاڑیاں تباہ ہوگئیں جب کہ بڑے پیمانے پر ہتھیار بھی تباہ کردیے گئے۔

#Breaking: Taliban’s gathering was targeted by B-52 in #Shebergan city, Jawzjan province today evening at 6:30pm. The #terrorists have suffered heavy casualties as a result of US Air Forces #airstrike
— Fawad Aman (@FawadAman2) August 7, 2021

امریکی میڈیا کے مطابق B-52 بمبار طیاروں کو AC-130 گن شپ جہاز کی بھی معاونت حاصل تھی، اس کے علاوہ افغان زمینی فورسز کی جانب سے بھی بھاری ہتھیاروں کا استعمال کیا گیا ۔

#Details: More than 200 terrorist Taliban were killed in #Cheberghan city after Air Forces targeted their gathering and hideouts today evening. A large amount of their weapons and ammunition and more than 100s of their vehicles were destroyed as a result of the airstrikes.
— Fawad Aman (@FawadAman2) August 7, 2021

واضح رہے کہ طالبان نے سیکیورٹی فورسز سے گھمسان کی جنگ کے بعد افغانستان کے صوبے نمروز کے زرنج اور جوزجان کے دارالحکومت شبرغان کا کنٹرول حاصل کرلیا، اطلاعات کے مطابق اب طالبان کی قندوز شہر کے دارالحکومت پر قبضہ کے لیے تیزی سے پیشقدمی جاری ہے اور طالبان نے پولیس ہیڈکوارٹر مقامی جیل پر قبضہ بھی کرلیا ہے۔