اسلام آباد میں بے قابو ڈمپر نے گاڑی کو کچل ڈالا 3 افراد جاں بحق

جاں بحق ہونے والے تینوں افراد گاڑی میں سوار تھے فوٹو: ایکسپریس

---

سری نگر ہائی وے پر بے قابو ڈمپر نے گاڑی کو کچل ڈالا جس کے نتیجے میں 3 افراد جاں بحق ہوگئے۔

ایکسپریس نیوز کے مطابق اسلام آباد کے سیکٹر جی نائن میں سری نگر ہائی وے پر ریت سے بھرے ڈمپر نے گاڑی کو کچل ڈالا، جس کے نتیجے میں گاڑی میں سوار 3 افراد موقع پر ہی جاں بحق ہوگئے۔

ریسکیو اہلکاروں نے لاشوں کو اسپتال منتقل کردیا، جاں بحق افراد کا تعلق کیپیٹل ڈیولپمنٹ اتھارٹی (سی ڈی اے) سے بتایا جارہا ہے، پولیس نے ضابطے کی کارروائی کے بعد لاشوں کو ورثا کے حوالے کردیا۔